FANDOM


KurówPoland.png

Kurów Polşa xäritäsendä

Kurow ( Kurów) – ul Polşanıñ könyaq-könçığışında awıl, Pulawy belän Lublin arasında, Kurowka yılğasında urnaşqan. Lublin Voyevodalığınıñ Kurów gminasınıñ üzäge. 2013. yılda xalıq sanı 2870.

1431-1442. yıllar arsında awılğa şähär xoquqları birelä, Kurow säwdä üzäge bula. Anda tire häm kün manufakturalar eşlilär. 16. yözdä Kurow Kalvinizm üzäklärdän berse bula, 1660. yılğa qädär xalqınıñ küpçelege Arianizmgä äylänä. 1795.dä, Polşanı Bülüennän soñ, Kurów'nı Austriä basıp ala. 1809. yılda şähär Warşaw Kenäzlegenä kerä, annan soñ 1815. yılda Räsäygä buysınğan Polşa Patşalığına kerä. 1831.neñ Febrälendä, Nöyäber Fetnäse barışında, şähär tire-yağında Kurów suğışı kilep çığa, şundí suğışında Läxlär general Jozef Dwernicki citäkçelegendä Urıslarnı tar-mar itälär. 1870. yılda, Ğínwar Fetnäsennän soñ Kurow şähär xoquqların yuğalta. 1918. yıldan qabat Polşanıñ öleşe. İkençe Bötendönya Suğışı başında (Polşa Saqlanu Suğışı barışında), 1939.nıñ 9. Sentäberendä Luftwaffe şähärne bik nıq bombağa tota. Başqa tsellärdän tış, Almannar sivil hospitalnı bombağa totıp betälär, bik küp keşene üterep. Basıp aludan soñ, şähärdä qol xezmäte lagere oyıştırıla. 1942. yılda Alnmannar getto oyışalar. Läkin totqınnar küpçelege qaçırğa omtılalar, häm uñışlı qaçuçı cirle urman partizannarğa (Armia Krajowa'ğa) quşılalar.

Míğmarlıq häykällärdän renaissance çirkäwe (1692. yılda yañartqan), Zbaski ıruğı qäberläre häm Santi Gucci sınnarı (1587) atap çığıp bula. Monnan tış, Kurow Polşa säyäsätçe general Wojciech Jaruzelski tuğan urını.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Więcej z Fandomu

Losowa wiki