FANDOM


KurówPoland

Lucalizazziún da Kuròw in Pulònia

Kuròw (Kurów) al è un paesòtt che l sa tröva indal Süüt-Èst dala Pulònia, pusizziunaa tra Pulawy e Lublin, sül fiüm Kuròwka. L è anca la capitál dala umònima pruvincja gmina che la sa tröva indal teritòri dala Regjún Lublin e la gh'á 2782 abitaant (agjurnaa al 2006). Tra l 1431 e al 1442 al paees l cata i drécc da citaa grazzia a la lecc də Magdeburg. Dòpu de véss diventaa una citaa privada la sa trasfurma in centru da cumèerc alimentaar par tücc i teritòri visin. Numeruus artisán dai setúur da pélizza e coramm sa stabilissan chi. Indal sécul XVI l éva diventaa un centru dal Calvinismu, parchè tanti aparteneent ala gésa prutestanta Puláca (Brethren) a s'evan stabilii a Kuròw. Gradualmeent, fin al 1660, la plüpart dii abitaant la sa cunvertiss al Arianismu.

Də alúra la cundiviit la stòria dala regjún intrega. Dòpu dala spartizziún dala Pulònia, indal 1795, la vegn cunquistava dal'Austria. Indal 1809 la diventa paart dal Dücaa də Varsávia, e dumá indal 1815 la vegn incurpurava indal Régn da Pulònia. Düranta la Insürezziún da Nuvémbar, indal febrari dal 1831, la vegn cumbatüva la Bataja də Kuròw cunt i armaa Pulách sóta al cumaant dal generál Jòzef Dwernicki che la vegn vincjüva cóntra i Rüssi. Dòpu la Insürezziún da Nuvémbar, indal 1870, Kuròw al lassa par sempar la denuminazziún da citaa. Dal 1918 la fa paart ancamò dala Pulònia.

Indal cuurz dala Guèra da difesa Pulaca, quan che l éva apena s.cjupava la Segunda Guèra Mundiala, indal 9 da setembar 1939 al paees al vegniva bumbardaa dala Luftwaffe Tudesca. Tra i ubietiif distrütt a gh'éva l uspedaal civil (segnaa cun dii cruus róss) indúa divèrsi persón ga lassarun la pèll. Indal cuurz dala guèra, la Germania l'éva impientaa indal paees dó caamp da lauur furzaa (caamp da cuncentrameent tudesc) e indal 1942 anca un getto ma la plüpart dii Pulach imprigjunaa la reüssiva a scapá e métass inséma ai sò suldaa che uperavan indi bosch visin.

Tra i atrazziún türistich a gh'inn: la gesa dal rinascimeent restrütürava indal 1692 indua sa tröva una tumba dala famiglia Zbaski e scültüür da Santi Gucci (1587). Kuròw l è anca cugnüssüva cuma al siit indúa l è nassüü al generaal Wojciech Jaruzelski.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Więcej z Fandomu

Losowa wiki