FANDOM


KurówPoland

Lokoatsie van Kurów

Kurów (oetsproak: ['kuruf]) is n loug ien zuud-oost Polen, legen tuzzen Pulawy en Lublin ien, aan Kurówka revier. t Is de heufdstad van n apaarte gmina, n soort gemainte, binnen t Lublin Woiwodschap en het 2782 ienwoner (gegevens oet twijdoezenvief).

HistorieEdytuj

Aargens tuzzen 1431 en 1442 kreeg t dörp stadsrechten op boases van de Magdebörger Rechten. As n offisjele stad, was Kurów t zìntrum van de haandel ien voudsel veur t haile omliggende gebied. Verschaaidene wp/gos/bont en wp/gos/leer febrieken hebben der stoan. Ien 16. aiw was Kurów ain van de zìntrums van t Calvinisme, deurdat verschaaidene Poolse Brethren der zeten hebben. Om en bie 1660 waren de maiste ienwoner bekeerd tot t Arianisme.

Noa 1660 komt de historie van t loug ongeveer overain mit de rest van de regioon. Ien 1795, noa de daarde verdailen van Polen wuir Kurów bezet deur Oosterriek. Ien 1809 wuir t paart van t Heertochdom Vaarsjauw. Ien 1815 wuir Kurów paart van t Keunenkriek Polen. Tiedens de November Opstaand van 1830, dij tot Febrewoari 1831 douwerde, von de klaindere Slag bie Kurów stee, dou t Poolse leger under generoal Józef Dwernicki t Rössische armee verloog. Ien 1870, tiedens de Jannewoari Opstaand, verloor t stadke oetindelk zien stadsrechten, dij nog nait weer opvroagd binnen. Sunt 1918 is Kurów weer paart van Poland.

Op 9 septimber, 1939, tiedens de Poolse Kampanje, wat de noam is van n operoatsie ien Polen veur t begun van de Twijde Wereldoorlog, wuir de stad swoar bombardeerd deur de Duutse Luftwaffe. Onder de doulwitten was ook n börgerhospitoal (markeerd mit rooie kruzen), woar n hail inde minsken bie oet de tied ruiken. Tiedens Twijde Wereldoorlog zette Duutslaand twij konsintroatsiekampen op ien t stadke. Ien 1942 wuir n klaine ghetto vörmd. Hou den ook, de maistent van de Poolsen dij gevangen waren ien Kurów ontsnapden en gongen bie t Poolse armee dij opereerd vanoet t gunderbie liggende wold.

ToerismeEdytuj

Vernuimde toeristische attraksies binnen de Renaissance kìrke (herbaauwd ien 1692) mit t gaf van de Zbąski femilie en beelden deur Santi Gucci (1587). Kurów is ook bekind as t boortestee van generoal Wojciech Jaruzelski.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Więcej z Fandomu

Losowa wiki